ನವದೆಹಲಿ(24-10-2020): ದೆಹಲಿಯಲ್ಲಿ ರಾತ್ರಿ ಕರ್ತವ್ಯ ನಿರ್ವಹಿಸುತ್ತಿದ್ದ ಪೊಲೀಸ್ ಪೇದೆಯನ್ನೇ ಅಪಹರಣ ಮಾಡಿ ದರೋಡೆ ಮಾಡಿರುವ ಘಟನೆ ನಡೆದಿದೆ.
ಸಚಿನ್ ಎಂಬ ಪೊಲೀಸ್ ಪೇದೆಯನ್ನು ಬಸ್ನಲ್ಲಿ ಅಪಹರಿಸಿ ಉತ್ತರ ಪ್ರದೇಶದ ಫಿರೋಜಾಬಾದ್ಗೆ ಕರೆದೊಯ್ದಿದ್ದಾರೆ. ಇವರು ಕಾಶ್ಮೀರಿ ಗೇಟ್ ಪ್ರದೇಶದಲ್ಲಿ ಕೆಲಸ ಮಾಡುತ್ತಿದ್ದರು.
ಕರ್ತವ್ಯದಲ್ಲಿದ್ದ ಪೇದೆಯನ್ನು ಬಸ್ ಗೆ ತುಂಬಿ ಬಸ್ನ ಬಾಗಿಲನ್ನು ಹಾಕಿದ ಕಳ್ಳರು ಸಚಿನ್ರಿಂದ ಪಿಸ್ತೂಲ್, ಪರ್ಸ್ ಹಾಗೂ ಮೊಬೈಲ್ ಫೋನ್ನ್ನು ಕಸಿದುಕೊಂಡಿದ್ದಾರೆ.
250 ಕಿ.ಮೀ ದೂರದವರೆಗೆ ಪೇದೆಯನ್ನು ಬಸ್ ನಲ್ಲಿ ಕೂಡಿ ಹಾಕಿಕೊಂಡು ಹೋಗಿದ್ದಾರೆ. ಫಿರೋಜಾಬಾದ್ನಲ್ಲಿ ಬಸ್ ನಿಂದ ದೂಡಿ ಹಾಕಿದ್ದಾರೆ. ಬಳಿಕ ಪೇದೆ ಸ್ಥಳೀಯ ಪೊಲೀಸ್ ಠಾಣೆಗೆ ತಲುಪಿ ದೂರು ನೀಡಿದ್ದಾರೆ.
