ಮುಂಬೈ(10-01-2021): ಮುಂಬೈನ ಥಾಣೆಯಲ್ಲಿ 19 ವರ್ಷದ ಮಾಡೆಲ್ ಯುವಕನ ಮೇಲೆ ಗ್ಯಾಂಗ್ ರೇಪ್ ನಡೆದಿರುವ ಬಗ್ಗೆ ವರದಿಯಾಗಿದೆ.
ಗುಜರಾತ್ನಲ್ಲಿ ಮಾಡೆಲ್ ವೃತ್ತಿಯಲ್ಲಿ ತೊಡಗಿಸಿಕೊಂಡಿರುವ ಯುವಕ, ಚಿತ್ರರಂಗದಲ್ಲಿ ಅವಕಾಶ ಹುಡುಕುತ್ತಾ ಮುಂಬೈಗೆ ಬಂದಿದ್ದ. ಆತನಿಗೆ ಫೇಸ್ಬುಕ್ನಲ್ಲಿ ಪುನೀತ್ ಶುಕ್ಲಾ ಎಂಬಾತನ ಪರಿಚಯವಾಗಿತ್ತು. ಈತ ಯುವಕನಿಗೆ ಉದ್ಯೋಗವನ್ನು ಕೊಡಿಸುವ ಭರವಸೆಯನ್ನು ನೀಡಿ ತನ್ನ ಬಳಿ ಕರೆಸಿಕೊಂಡಿದ್ದಾನೆ. ಬಳಿಕ ಸ್ನೇಹಿತರ ಜೊತೆ ಸೇರಿ ಸಾಮೂಹಿಕವಾಗಿ ಅತ್ಯಾಚಾರವನ್ನು ನಡೆಸಿದ್ದಾನೆ. ಈ ವೇಳೆ ಯುವಕ ವಿರೋಧಿಸಿದಾಗ ಆತನ ಮೇಲೆ ಗಂಭೀರವಾಗಿ ಹಲ್ಲೆ ನಡೆಸಿದ್ದಾನೆ.
ಈ ಇಡೀ ಘಟನೆಯನ್ನು ಆರೋಪಿ ಶುಕ್ಲಾ ವಿಡಿಯೋ ಮಾಡಿದ್ದು, ದೂರು ನೀಡಿದರೆ ವಿಡಿಯೋ ವೈರಲ್ ಮಾಡುವ ಬೆದರಿಕೆ ಹಾಕಿದ್ದಾನೆ.
ಈ ಕುರಿತು ಸಂತ್ರಸ್ತ ಯುವಕ ಕೇಸ್ ದಾಖಲಿಸಿದ್ದು, ಮುಖ್ಯ ಆರೋಪಿ ಪುನೀತ್ ಶುಕ್ಲಾ, ರವಿ ಜೈಸ್ವಾಲ್, ಅರವಿಂದ್ ಪ್ರಜಾಪತಿಯನ್ನು ಬಂಧಿಸಿದ್ದಾರೆ.
