ನವದೆಹಲಿ(20-02-2021): ಮನು ಭಾಕರ್ ಅವರು ದೆಹಲಿಯಿಂದ ಭೋಪಾಲ್ಗೆ ವಿಮಾನ ಹತ್ತಲು ಪ್ರಯತ್ನಿಸುವಾಗ “ಕಿರುಕುಳ” ಮತ್ತು “ಅವಮಾನ” ಮಾಡಿದ ಆರೋಪದ ಮೇಲೆ ಇಬ್ಬರು ಏರ್ ಇಂಡಿಯಾ ನೌಕರರ ವಿರುದ್ಧ ಕ್ರಮಕೈಗೊಳ್ಳಬೇಕೆಂದು ಒತ್ತಾಯಿಸಿದ್ದಾರೆ.
19 ವರ್ಷದ ಕಾಮನ್ವೆಲ್ತ್ ಕ್ರೀಡಾಕೂಟ ಮತ್ತು ಯುವ ಒಲಿಂಪಿಕ್ಸ್ ಚಿನ್ನದ ಪದಕ ವಿಜೇತ ಪಿಸ್ತೂಲ್ ಶೂಟರ್ ಮನು ಅಂತಿಮವಾಗಿ ಶುಕ್ರವಾರ ಸಂಜೆ ಕ್ರೀಡಾ ಸಚಿವ ಕಿರೆನ್ ರಿಜಿಜು ಅವರ ಮಧ್ಯಸ್ತಿಕೆ ನಂತರ ವಿಮಾನದಲ್ಲಿ ಪ್ರಯಾಣಿಸಲು ಯಶಸ್ವಿಯಾಗಿದ್ದರು.
ಕ್ರೀಡಾಪಟು ಏರ್ ಇಂಡಿಯಾ ಅಧಿಕಾರಿಗಳ ವಿರುದ್ಧ ಕ್ರಮ ಕೈಗೊಳ್ಳುವ ಭರವಸೆಯಲ್ಲಿದ್ದಾರೆ. ನಂತರ, ಏರ್ ಇಂಡಿಯಾ ಕೂಡ ತನ್ನ ಸಿಬ್ಬಂದಿಯ ವರ್ತನೆಗೆ ಕ್ಷಮೆಯಾಚಿಸಿತು. ನಾನು ಅನುಭವಿಸಿದ ಕಿರುಕುಳ ಮತ್ತು ಅವಮಾನಗಳಿಗೆ ಅವರು ಹೊಣೆಗಾರರಾಗಬಹುದು ಎಂದು ಮನು ಭೋಪಾಲ್‌ನಲ್ಲಿ ತಿಳಿಸಿದ್ದಾರೆ. ಅವರು ನನ್ನ ಮೊಬೈಲ್ ನ್ನು ಕಸಿದುಕೊಂಡರು ಮತ್ತು ನನ್ನ ತಾಯಿ ಕ್ಲಿಕ್ ಮಾಡಿದ್ದ ಕಿರುಕುಳದ ವಿಡಿಯೋವನ್ನು ಅಳಿಸಿದ್ದಾರೆ ಎಂದು ಮನು ಆರೋಪಿಸಿದ್ದಾರೆ.
