ಹೊಸ ತಳಿಯ ಕೊರೊನಾ ಭೀತಿ: ಸೌದಿ ಬಳಿಕ ಭಾರತದಲ್ಲೂ ವಿಮಾನ ಸೇವೆಯಲ್ಲಿ ನಿರ್ಬಂಧ

ನವದೆಹಲಿ (21-12-2020): ಹೊಸ  ಮ್ಯೂಟಂಟ್ ಕೊರೊನಾ ವೈರಸ್ ಹಿನ್ನೆಲೆಯಲ್ಲಿ ಇಂಗ್ಲೆಂಡ್​ಗೆ ವಿಮಾನ ಹಾರಾಟವನ್ನು ಕೇಂದ್ರ ಸರ್ಕಾರ ತಾತ್ಕಾಲಿಕವಾಗಿ ನಿಷೇಧ ಮಾಡಿ ಆದೇಶ ಹೊರಡಿಸಿದೆ.

ಮ್ಯೂಟಂಟ್ ಕೊರೊನಾ ವೈರಸ್ ಇಂಗ್ಲೆಂಡ್​ನಲ್ಲಿ ನಿಯಂತ್ರಣಕ್ಕೆ ಸಿಗದೇ ಮಿತಿ ಮೀರಿ ಹೆಚ್ಚಾಗುತ್ತಿದೆ. ಒಂದೇ ದಿನ ಇಂಗ್ಲೆಂಡ್​ನಲ್ಲಿ 35,928 ಕೇಸ್​​ಗಳು ಪತ್ತೆಯಾಗಿದ್ದು, ಯುರೋಪಿನಾದ್ಯಂತ ಈ ಮ್ಯೂಟಂಟ್ ಕೊರೊನಾ ಆತಂಕ ಮೂಡಿಸಿದೆ. ಹೀಗಾಗಿ ಭಾರತ ಸರ್ಕಾರ ತಾತ್ಕಾಲಿಕವಾಗಿ ವಿಮಾನ ಹಾರಾಟವನ್ನು ನಿಷೇಧಿಸಿದೆ.

ಕೊರೊನಾ ವೈರಸ್​ ಸೋಂಕು ಅತಿಯಾಗಿ ವ್ಯಾಪಿಸುತ್ತಿದ್ದಂತೆಯೇ ಮುನ್ನೆಚ್ಚರಿಕಾ ಕ್ರಮವಾಗಿ ಸೌದಿ ಅರೇಬಿಯಾ ಭಾನುವಾರ ಅಂತಾರಾಷ್ಟ್ರೀಯ ವಿಮಾನ ಯಾನಗಳನ್ನ ಸ್ಥಗಿತಗೊಳಿಸಿದೆ. ನೌಕಾ ಯಾನ ಹಾಗೂ ಭೂ ಮಾರ್ಗದ ಮೂಲಕವೂ ಸೌದಿಗೆ ಪ್ರವೇಶ ಮಾಡಲು ಕನಿಷ್ಟ ಒಂದು ವಾರಗಳ ಕಾಲ ನಿರ್ಬಂಧ ಹೇರಲಾಗಿದೆ.