ಬೆಂಗಳೂರಿನಲ್ಲಿ(16-10-2020): ಸ್ಟೀಲ್ ಗ್ಯಾಸ್ ಸ್ಟವ್ ಬೆಲೆ 1 ಕೋಟಿ ಇದೆ ಎಂದರೆ ನೀವು ನಂಬುತ್ತೀರಾ? ಇಲ್ವಲ್ಲ. ಇಂತದ್ದೊಂದು ಬೆಲೆ ಬಾಳುವ ಸ್ಟೀಲ್ ಗ್ಯಾಸ್ ಸ್ಟವ್ ವನ್ನು ಬೆಂಗಳೂರು ಕಸ್ಟಮ್ಸ್ ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ.
ಸ್ಟೀಲ್ನೆಸ್ ಸ್ಟವ್ ನ್ನು ಆಸ್ಟ್ರೇಲಿಯಾಕ್ಕೆ ರವಾನಿಸಲು ಬೆಂಗಳೂರು ಅಂತಾರಾಷ್ಟ್ರೀಯ ಕೊರಿಯರ್ ಸೆಂಟರ್ ತಲುಪಿತ್ತು. ಈ ಬಗ್ಗೆ ಖಚಿತ ಮಾಹಿತಿಯೊಂದು ಬೆಂಗಳೂರಿನ ಕಸ್ಟಮ್ಸ್ ಅಧಿಕಾರಿಗಳಿಗೆ ಲಭಿಸಿತ್ತು. ಕೂಡಲೆ ಕಾರ್ಯಪ್ರವೃತ್ತರಾದ ಕಸ್ಟಮ್ಸ್ನ ಗುಪ್ತಚರ ವಿಭಾಗದ ಅಧಿಕಾರಿಗಳು ಕೊರಿಯರ್ ಸೆಂಟರ್ಗೆ ದಾಳಿ ನಡೆಸಿ, ಸ್ಟೀಲ್ ಗ್ಯಾಸ್ ಸ್ಟವ್ ನ್ನು ವಶಪಡಿಸಿಕೊಂಡಿದ್ದಾರೆ.
ಸ್ಟವ್ ನ್ನು ವಶಕ್ಕೆ ಪಡೆಡು ತನಿಖೆ ನಡೆಸಿದ ಅಧಿಕಾರಿಗಳಿಗೆ ಅಚ್ಚರಿ ಕಾದಿತ್ತು. ಸ್ಟವ್ ನ ಕಾಲಿನಲ್ಲಿ ಬಿಳಿ ಬಣ್ಣದ ಪೌಡರಿನ ಪ್ಲಾಸ್ಟಿಕ್ ಕಟ್ಟಿನಲ್ಲಿ ಎಫೆಡ್ರೇನ್ ಇತ್ತು. ಸರಿಸುಮಾರು 1983 ಗ್ರಾಂ ತೂಕವಿತ್ತು. ಕಸ್ಟಮ್ಸ್ ಅಧಿಕಾರಿಗಳು ಅದನ್ನು ಕೂಡಲೇ ಜಪ್ತಿ ಮಾಡಿಕೊಂಡಿದ್ದಾರೆ. ಅದರ ಮೌಲ್ಯ ಅಂದಾಜು 79 ಲಕ್ಷ ರೂಪಾಯಿ ಎಂದು ಹೇಳಲಾಗುತ್ತಿದೆ.
