ಥಾಣೆ(30/10/2020): ಇಲ್ಲಿಗೆ ಸಮೀಪದ ಭಿವಂಡಿ ಪಟ್ಟಣದಲ್ಲಿ ಇಂದು ಕೇಕ್‌ ಫ್ಯಾಕ್ಟರಿಯೊಂದು ಕುಸಿದು, ಮೂವರು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಗಾಯಗೊಂಡಿರುವ ಈ ಕಾರ್ಮಿಕರನ್ನು ಕ್ಷಣವೇ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಕಟ್ಟಡ ಕುಸಿತಕ್ಕೆ ಕಾರಣ ಇನ್ನೂ ತಿಳಿದಿಲ್ಲ ಎಂದು ಮಹಾನಗರ ಪಾಲಿಕೆಯ ಪ್ರಾದೇಶಿಕ ವಿಪತ್ತು ನಿರ್ವಹಣಾ ಘಟಕದ (ಆರ್‌ಡಿಎಂಸಿ) ಮುಖ್ಯಸ್ಥ ಸಂತೋಷ್ ಖದಮ್‌ ಅವರು ಮಾಹಿತಿ ನೀಡಿದರು.
ಸೆ. 21ರಂದು ಇದೇ ರೀತಿ ಮುಂಜಾನೆ 43 ವರ್ಷದಷ್ಟು ಹಳೆಯದಾದ ಮೂರು ಅಂತಸ್ತಿನ ಜಿಲಾನಿ ಕಟ್ಟಡ ಕುಸಿದುಬಿದ್ದಿತ್ತು. 33 ಮಂದಿ ಸಾವನ್ನಪ್ಪಿದ್ದರು.
