ಪಾಟ್ನಾ(10/11/2020): ಬಿಹಾರ ವಿಧಾನ ಸಭಾ ಚುನಾವಣೆ ಕ್ಷಣ ಕ್ಷಣಕ್ಕೂ ಕುತೂಹಲ ಕೆರಳಿಸುತ್ತಿದೆ. ಎನ್ ಡಿ ಎ ಮತ್ತು ಮಹಾ ಘಟಬಂಧನದ ನಡುವೆ ತೀವ್ರ ಪೈಪೋಟಿ ನಡೆಯುತ್ತಿದೆ.
ಮತ ಎಣಿಕೆ ತಡರಾತ್ರಿಯವರೆಗೆ ಮುಂದುವರಿಯಲಿದೆ ಎಂದು ಚುನಾವಣಾ ಆಯೋಗ ತಿಳಿಸಿದೆ.
ಇಲ್ಲಿಯವರೆಗಿನ ಮಾಹಿತಿ ಪ್ರಕಾರ, ಎನ್ ಡಿ ಎ ಮುನ್ನಡೆಯಲ್ಲಿದೆ. ಆರ್‌ಜೆಡಿ ನೇತೃತ್ವದ ಮಹಾಘಟಬಂಧನ ಹಿನ್ನಡೆ ಅಲ್ಪ ಅನುಭವಿಸಿದೆ.
ಆದರೆ, ಇನ್ನೂ ಶೇ. 40 ರಷ್ಟು ಮತ ಎಣಿಕೆ ನಡೆಯಬೇಕಿರುವುದರಿಂದ ಮಹಾಘಟಬಂಧನವೇ ಚುನಾವಣೆಯಲ್ಲಿ ಜಯಿಸಿ ಸರ್ಕಾರ ರಚಿಸಲಿದೆ ಎಂದು ಆರ್‌ಜೆಡಿ ಭರವಸೆ ವ್ಯಕ್ತಪಡಿಸಿದೆ.
